खाना बनाउने धेरै तरिकाहरू छन्। हामी धेरैजसो खानेकुरा पकाएर खान्छौ। पकाएको खानेकुरा मीठो र फाइदा दिने हुन्छ। पकाएको खालेकुरा पचाउन हामीलाफ सजिलो हुन्छ। तरकारी चाहिं तेल वा घिउको भुटुनले पकाइन्छ। कुनै तरकारी तेलघिउमा तारिन्छ। कुनै तरकारीमा चाहिं रस हालिन्छ र पकाइन्छ। कुनैकुनै खानेकुरा उमालेर तयार गर्नुपर्छ। कुनै खानेकुरा नपकाईकन पनि खान हुन्छ। हामी मूला, गाजर र फलफूल पखालेर मात्र पनि खान्छौं। दूध रामरी तताउनुपर्छ। चिया उमालेर बनाउनुपर्छ। फुल उसिन्न पनि पानीमा उमाल्नुपर्छ। मकै र भटमास भुटेर पनि खान हुन्छ।धान, मकै, गहुँ, कोदो, दालको खेती जमीनमा हुन्छ। यस्तो खेतीपाती गर्नेलाई लिसान भन्दछन्। किसानहरूले अन्न उब्जाएर आफू पनि खान्छन्। धान दिकीमा वा मिलमा कुटी चामल बनाइन्छ। मकै, गहुँ जस्ता अन्नलाई घट्टमा र जॉतोमा पिंधेर पीठो बनाइन्छ। धानलाई उसिनेर ओखल, ढिकी वा मिलमा कुटी चिउरा तयार गरिन्छ।फलफूलका निम्ति हामी आफ्नै बारीबगैंचामा फलफुलका बिरुवा लगाउँछौं। हामी करेसाबारीमा तरकारी पनि लगाउँछौं। बेला अनुसार फलफुल फल्छ, तरकारी फल्छ। हामी फलफूल र तरकारी टिपेर घरमा ल्याउँछौं। यस्तो चीजबीज बजारमा पनि किन्न पाइन्छ।